Late Cornish 2024

De Yow, nawnjes warn ugens mis Whevrel Thursday, 29th February Hedhyw thew an diwettha dedh en mis Whevrel. Ev a dal bos an diwettha dedh gwav. Avorow an gwenton a dal dallath. Saw ma gwarnyans dhen dhort servis kewer a'n pow (Sodhva a'n Gewer). Ma meur a law ow tos, hag ergh alja codha war dir uhel. An gewer alja bos moy yeyn.  Today it is the last day in February. It should be the last winter's day. Tomorrow the spring should begin. But we have a warning from the national weather service (the "Met Office" ). A lot of rain is coming, and snow could fall on high ground. The weather could be colder.

De Merher, ethves warn ügens mis Whevrel   Wednesday, 28th February   Hedhyw, theram ow perthy cov a’m hôr veurgerys. Hy fedn bloodh ew hedhyw. Hei a venja bos pajar ügens ha peswardhek, bes tremenys ew hei lebmyn. Pecar’a second mabm o hei dhebm. Na ellama hy remembra termyn hei a veu flogh. E’n co vy hei ew puppres cowldevys. Pur hegar o hei. Treheres o hei - gwriadores varthys . Hei wöya fatel dhe wil puptra. Hei a wrias pows demedhyans ragam. Ha hei a wras agan tesen dhemedhyans delicyous .    Today, I am remembering my beloved sister. Her birthday is today. She would be ninety-four, but she is passed away now. She was like a second mother to me. I can’t remember her when she was a child. In my memory she is always grown-up. She was very kind . She was a tailoress – a marvellous seamstress . She knew how to make everything. She sewed a wedding dress for me. And she made our delicious wedding cake.   Deg ger rag hedhyw. Ten words for today   co ~ ...

De Meurth, seythves warn ügens mis Whevrel   Tuesday, 27th February   Wòja an frethter de, ma dedh cosel dhen hedhyw. Oll an desen ew debrys hag oll an gwin ew evys! An vedhoges a dheuth ha scrifa ordnans medhek nowydh rag ow gour. Difreth!   After yesterday’s excitement, we have a quiet day today. All the cake is eaten and all the wine is drunk! The doctor came and wrote a new prescription for my husband. Unexciting!   Deg ger rag hedhyw. Ten words for today.   de yesterday   debrys eaten   < verb debry to eat (SWFM dybri )   difreth unexciting, insipid, dull   frethter (m) excitement, eagerness   hedhyw today (compare Welsh heddiw )   medhoges (f) doctor (mutation m>v after “ an ”) < medhek (m)   ordnans medhek (m) prescription   scrifa to write   tesen (f) cake (mutation t>d after “ an ”) > pl. tesednow   wòja after (SWFM wosa )  

De Lün, wheffes warn ügens mis Whevrel   Monday, 26th February   Nag ew da genam bos coth! Da via genam nakevy natoledhow . My a dhallathas an jedh en cosel. An gewer o teg hag ow gour ha my a gerdhas gen an kei. Thera casek agan kentrevoges owth omhowla. Wòja hedna ow cres a veu sqwachys! Ow theylû a dheuth gen boos ha gwin ha flourys ha tesednow ha cantollyow ha galowow a “Pednbloodh Lôwen, a Vabm!” ha “Pednbloodh Lôwen a Henvam! ”. Ha, sur, my a veu lôwen  dh’aga gweles.     I do not like being old! I'd like to forget birthdays. I started the day quietly. The weather was fine and my husband and I walked with the dog. Our neighbour’s mare was sunning herself. After that, my peace was disrupted! My family arrived with food and wine and flowers and cakes and candles and calls of “Happy Birthday, Mum!” and “Happy Birthday, Nana!” And, sure, I was happy to see them.   Deg ger rag hedhyw . Ten words for today.   casek (f) mare ...